बिद्यालयहरुमा भर्ना अभियान चलिरहेको छ । सबै भन्दा मुख्य कुरा बिद्यालय जाने उमेर समुहका सबै नानीबाबुहरु बिद्यालय पुगेर पढ्न पाउनुपर्यो । बाँकी कुराहरु सामान्य हुँदा हुँदै पनि केहि बिशुद्ध निजी बिचारहरु मनमा आइरहन्छन् । केहि कुराहरु लेख्न मन लाग्यो र लेख्नु भनेको मन हलुका पार्नु पनि हो ।
कुरा नं १) हामी परिवर्तनशील छौँ तसर्थ एउटै कुरा सबैलाई र सँधैलाई मन पर्छ भन्ने छैन त्यसैले आ–आफ्नो विचार, क्षमता र स्वार्थ अनुसार नानीबाबुहरुको बिद्यालय परिवर्तन गर्न सकियो । तर भोलिपल्टबाट बिद्यालय तर्फ फर्केर हेर्न पनि अप्ठेरो लाग्ने किसिमले बिद्यालय परिवर्तन नगरौँ । केहि बर्ष बिताएको बिद्यालय नानीबाबुहरुको ईतिहास हो । पहिलो पटक कलम समाएको, पहिलो पटक मादल देखेको, पहिलो साथी, पहिलो गुरुआमा, पहिलो पटक क ख र ए बी सी लेख्न सिकेको, पहिलो पटक स्याउ बनाउन सिकेको, गुरुआमाले हात समाएर पहिलो पटक लेख्न सिकाएको, पहिलो पटक बदमासी गरेको, पहिलो पटक साथीको हात समाएको, पहिलो पटक मिलेर खेल्न सिकेको यस्ता धेरै क्षणहरु हुन्छन् नानीबाबुहरुको बिद्यालयसँग । तसर्थ कम्तिमा बेलाबेलामा आफ्ना नानीबाबुहरुलाई आफूले पढेको पूरानो बिद्यालय देखाउन, घुमाउन र गुरुगुरुआमालाई भेटाउन सकिने गरेर मात्र बिद्यालय परिवर्तन गर्न अनुरोध ।
ईतिहास त भोली हामी अभिभावकहरु पनि हुन्छौँ नै । हामीले सिकाएको संस्कार हाम्रा बालबालिकामा रहन्छ र ईतिहास बिर्सन र भुल्न सिकाउँदा भविष्यमा कतै बिर्सने र भुल्ने लिष्टमा हामी पनि पर्छँौ कि ?
कुरा नं २) एउटा किसानले बाली लगाएपछि पुरै सिजन भरी मलजल, गोडमेल सहित बोट बिरुवाको स्याहार गर्छ । कतिपय बेलामा सोचेजस्तो उत्पादन नहुन पनि सक्छ । तै पनि त्यो किसानसँग अनुभव रहन्छ : कति पानी हालेको थियो ? कति पटक गोडमेल गरेको थियो ? कुन बिउ प्रयोग भएको थियो ? कुन मल हालेको थियो ? सम्भावित समस्या के हुन सक्छ ? त्यसैले अर्कोपटक त्यो बाली पहिलेको भन्दा फरक तरिकाले काम गर्छ । नानीबाबुहरुको हकमा पनि धेरै अवस्थामा त्यस्तै हुन्छ शिक्षहरुलाई । बर्षौँ लगाएर सबै कमजोरीहरु जानी, बुझि सकिएपछि सुधार गर्ने बेलामा नानीबाबुहरु नै हुँदैनन् । नानीबाबुहरु रुपी बाली अर्को किसानको गइसक्नुभएको हुन्छ । फेरि माथिको प्रक्रिया शुरु हुन्छ अर्थात केहि बर्ष नानीबाबुहरुलाई जान्न र बुझ्न नै लाग्छ ।
कुरा नं ३) सबै नानीबाबुहरुले आ–आफ्नो विशेषता र क्षमता लिएर आएका ुहन्छन् । त्यसैले अर्को नानीबाबुहरुसँग तुलना गर्ने काम नगरौँ ।
कुरा नं ४) गएको दुई शैक्षिक सत्र हजुरको वा मेरो नानीबाबुहरु मात्र हैन सबै अभिभावकहरुको नानीबाबुहरुको पठनपाठन प्रभावित भएको छ, बिद्यालयको नियमीत तालिकाहरु अवरुद्ध भएका छन् । स्वभाविक रुपमा नै आफ्नै मात्र समस्या देखिने भएकोले हाम्रैमात्र समस्या होला भन्ने लाग्न सक्छ ।
