भुत

                                             -रचनाकार (राजु दाहाल)

हिजो हाम्रो घरमा बत्ती जाने पालो थ्यो ।

 जता फर्कि हेरेनी अँधेरो र कालो थ्यो ।। 

मैन बत्ती किन्न भनी पसल जान लाग्या थेँ ।

सबै कालो देखेर छिटो छिटो भाग्या थेँ ।।

पसलबाट मैन बत्ती किनेर म फर्किएँ ।

सेतो भुत बरण्डामा देखेर म तर्सिएँ ।।

बिना टाउको हात हल्लाई नाचीराख्या देखेर ।

चिच्याउन पो लागेँ म त हात खुट्टा फेकेँर ।।

हल्ला खल्ला सबै तिर त्यती खेरै भएछ ।

बत्ती पनि झुलुक्क उत्ती खेरै आएछ ।।

सबै जना मिलेर के भो सोध्न थाल्नु भो ।

हत्त पत्त आमाले अँगालोमा हाल्नु भो ।।

कुरा सुनी सबै जना भुत खोज्न लागेको ।

देखेर भुत बरण्डामा डर मेरो भागेको ।।

हजुरबाको सेतो कुर्ता सुकाको पो रहेछ ।

त्यही कुर्ता हावाले गर्दा नाचे जस्तो भएछ ।।

भुतलाई देखेर सबै हाँस्न थाल्नु भो ।

धत् सेतो कुर्ताले कति बिघ्न लाजै भो ।। 

समाप्त